الحلقة الأولى انا جميلة هابدا معاكم حكايتى ورجع بزمن حوالى ٨ سنوات لما دخلت عليا امى فى اوضتى وكان يوم فرح حسن ومريم كوثر : اصحى ياجميلة جميلة: فى ايه ماما كوثر: يلا يا بنتى اصحى علشان تروحى مع اخوكي مريم كلمتك من بدرى وكمان ندى كلمتك جميلة : حاضر صباح الفل كوثر: صباح النور يلا يا حبيبتى اصحى وخدى حمامك وجهزى صحيت ودخلت اخدت حمام وخرجت صليت وحضرت حاجاتى وكلمت مريم وندى وخرجت لقيت ماما وحسن وبابا بيفطروا
چميلة صباح الخير الجميع : صباح النور حسن: كل ده نوم حرام البت خللت جميلة: صباح الورد على احلى عريس فريد: يلا ياولاد كلوا علشان اليوم النهاردة هيبقى يوم طويل كوثر: عندك حق ياحاج كل ياحسن كويس جميلة: ماهو بياكل اهو يجى ياكولنى احسن كوثر: الله اكبر مش عريس ولازم يتغذها حسن: انا كلت يلا ياجميلة وخرجت انا وحسن ورحت لندى ومريم ورحنا مركز التجميل مريم : الله يسامحك يا جميلة انت اللي اخرتينى ندى: أهدى ياعروسة كله هيبقى تمام
جميلة: اخرتك على ايه ماانت زى القمر اهو مش محتاجة حاجة مريم : ماشى ليكى يوم جميلة: انا يابنتى يوم ماتجوز لازم اللي اتجوزه اعيش معاه احلى قصة حب ويبقى رومانسى ونعيش حياتنا حب فى حب ندى: هنتقابل فى حلم ان شاء الله جميلة: موجود وهتقالبل وبكره افكرك مريم : ياريت ياجميلة بس انت رومانسية زيادة وهنا دخلت بنت من العاملين فى السنتر يلا يا عروسة علشان تجهزى واخدوا مريم يجهزوها أما فى البيت كوثر : يا حاج فريد انت عزمت عيلة الحاج الشناوى الله يرحمه
فريد : طبعا كلمت ابنه شريف وعزمته كوثر: يااا بقالى سنين مشفتش عواطف وحشتنى فريد: خلاص هم هيسقروا هنا وسابوا بورسعيد وهيعيشوا فى إسكندرية دى حتى شريف كلمنى اشوفلهم شقة جمبنا كوثر : ياريت ياحاج فريد: بعد الفرح نشوف هاكلم سمسار يشوفلهم كوثر: لو يحصل إللي فى بالى فريد : الا هو ايه كوثر : متخدش فى بالك ويلا علشان نجهز عايزين نبقى فى القاعة بدرى علشان نستقبل الناس
نرجع عندى انا مريم وندى كانت خلاص مريم بتحط اللمسات الأخيرة وكانت زى القمر بفستانها الابيض اللي خلاها زى الملائكة فكانت مريم تتمتع بعيون رمادى وبشرة بيضاء فى بعد وضع المكياج أصبحت أكثر جمالا أما ندى تتمتع ايضا ببشرة خمرى وعيون بنى غامق وكانت تلبس فستان بلون الاحمر من خامة الستان وطرحة من نفس النوع أما أنا فكل العاملات فى مركز التجميل كانوا بيشبهونى بحورية خصوص مع الفستان حيث كنت ارتدى فستان باللون الفيروز ى وخامته ستان وطرحة نفس اللون ووضعت القليل من مساحيق التجميل مما ابهر كلا من مريم وندى
مريم : ايه الحلاوة ده ندى، لو مجاش عريس فى الفرح يبقى كل شباب الفرح يرحوا يكشفوه نظر انا بكسوف خلاص ياختى انت وهى وانتوا كمان قمرات يلا بأه وسمعوا كلاكسات العربيات وزفة
ووصل حسن ودخل اخد مريم وسط زفة وهيصه من الكل وفرح بعيون حسن ومريم اداه الحب جميل وخصوصا لم بيبقى فى الحلال ودعيت ربنا أنى القى الشخص الا يحبنى وحبه وصلنا القاعة وقامت ماما بزغاريط ودموع الفرح وبدأ الفرح وانا جوايا احساس انا هقابل الشخص الا هيخطف قلبى ووسط الفرح اتقابلت عينى بعينه شخص خطف قلبى من النظرة الأولى لدرجة أنى حاسيت أنى روحي راحت منى لمجرد أن اشوفه واستغربت لما لقيتوا هو كمان بيبوص لي اوى كانوا بيقول انا ليكى وانتى ليا
ياترى هو مين وحيكون فارس الاحلام ولا _______________________________________________________________ الحلقة الثانية فكرة جميلة انها تختفى شوية علشان تشوف الشخص اللي متابعها هيفضل يدور عليها ولا هايدور على حد تانى وكانت بتتمنى أنه يدور عليها وفعلا اختفت فى مكان وفى نفس الوقت تقدر تتابعه من غير مايحس وفضلت عينه تدور عليها وحس نفسه أنه تايه وهى كانت متابعة حاسة بسعادة وفرحه وقلبها بيدق جامد وقررت انها تظهر تانى واول ما ظهرت وتقابلت عنيها فى عنيه فى نظرة طويلة كان بيسالها كنتي فين وبعدت عنى ليه
وراحت ناحية ترابيزة بابا وماما كوثر: كنت فين يا جميلة جميلة : كنت فى الحمام فريد: استنى ياكوثر لما تسلم الاول على الحبايب كوثر: صحيح دى طنط عواطف مرات عمك محمد الشناوى الا كانوا جيرانا زمان ودى بنتها سمر جميلة : اهلا وسهلا ازيك يا طنط عواطف: تعالى فى حض.نى كبرتى وباقيتي عروسة ربنا يحفظك فريد: امال فين شريف مش كان هنا من شوية شريف : من وراء جميلة انا موجود ياعمى حاست ساعتها أن هو نفس الشخص اللي خطفنى من غير ماشوفه وقلبى كان بيدق جامد وكنت حاسة أن الكل سامع دقات قلبها
عواطف: تعالى يابنى سلم على جميلة بنت عمك فريد شوف كبرت ازاى شريف: هو بيمد أيده ليه ازيك يا جميلة جميلة: شوفت فى عينه نظرة حاسستنى انى انا ملكه وهو ملكى ازيك وفرحة كأنه كان تائهة واخيرا وصل وقاعدنا مع بعض بس كل واحد بيبص لتانى كانوه ببطمئن من وجودنا جمب بعض وكنت كل مابص اشوفه بيبصلى كانوا بيقولى متخافيش فضلنا كده لحد ما ماما اتكلمت كوثر: جميلة ماتاخدى سمر وتقومي تهيص مع البنات وتباركى لاخوكى
جميلة: يلا ياسمر اعرفك على ندى دى صاحبتى الانتيم شريف: استنوا انا هاجى معاكم علشان محدش يضايقكم من الشباب كوثر: ابتسمت ومالوا ياحبيبى روح معاهم ورحت انا وسمر وهو وسلمنا على العرايس وقفنا جامبهم اتصورنا وانا وشريف بين نظرات وحب اتولد من النظرة الاولى وندى لاحظت ندى: وشوشتنى ايه النظام جميلة: نظام ايه ندى: نظام التسببل ده ياحلو مين الأمور جميلة:بتتنهد اه يبقى شريف اخو سمر وابن واحد صاحب بابا ندى: وايه لازمتها التنهيده هو حصل
جميلة: ضر.بت ندى فى كتفها هو ايه اللي حصل اتلمى ندى: ماشى بس بعد الفرح افهم جميلة: مش لما افهم انا الاول عواطف: بسم الله ماشاء الله جميلة كبرت بقيت عروسة هى مش مخطوبة كوثر: لا والله لسه النصيب وشريف كبر هو كمان مش خاطب عواطف : لا بيقول لسه بدرى وبصت ناحيتنا مع أنى تقريبا حاسة أنه آن الآوان وتضحك كوثر تفتكرى عواطف: بكره تشوفى فريد: مالكوا انتوا الاتنين رجعت ايام زمان عواطف وكوثر : وهنرجع اهل من تانى وضحكوا
ورجعت على الترابيزة مع شريف وسمر سمر: انت بتدريسي ياجميلة جميلة: انا فى آخر سنة كلية التجارة قسم إدارة أعمال وانتى سمر: انا كمان اخر سنة كلية الآداب قسم إنجليزي ناوية على ايه لما تتخرجى جميلة : مش عارفة لم اشوف شريف: اكيد هتتجوز وتعقد فى البيت وحس بالاحراج فاستاذن يروح الحمام عواطف وكوثر : فى نفس واحد شكله حصل وبيضحكوا أما أنامن كتر الكسوف كنت حاسة أنى بطلع نار وقاعدة مش على بعضى ومتحصرة من نظرات شريف ليه وتنهدت لم استأذن لكن شوية ورجع قعد جمب بابا
فريد: وانت ياشريف نأوى على ايه شريف : والله ياعمى انا ناوي افتح مكتب تخليص جمركي انا وواحد صاحبى ونبتدى فريد: ربنا يوفقك وخلص الفرح ووصلنا حسن ومريم ورجعنا البيت فرحنين وماما اصرت تعزم عائلة شريف على الغداء كمان اسبوع كوثر: ايه رايك ياحاج فى شريف فريد: من ناحية ايه كوثر: شوفتوا طول الفرح ماشلش عينه من على جميلة امه بتلمح لكده فريد: ياريت شريف شخص مايترفضش بس المهم بنتك كوثر: جميلة كمان هو عجبها
فريد: انت سألتيها كوثر: سألتها ايه ياحاج انت مشوفتش بيبصوا لبعض ازاى فريد: نامي ياكوثر اللي فيه الخير يقدموا ربنا أما انا فكنت فى حالة من الهيام والحب لدرجة ان معرفتش انام كل مانام اشوفه فقررت اكلم ندى ندى، اكيد مالحقتش اوحشك جميلة: مش عارفة انام ندى: هو الحب بهدله جميلة: حب ايه ندى، الحب اللي مطير النوم من عينك جميلة: مش عارفة كل شويه افكر فيه اعمل ايه ندى: ممكن انام والصبح نتكلم عايزة انام
جميلة: تصدقى انا غلطانه روحى نامى وقفلت مع ندى وحاولت انام أما عند شريف هو كمان كان سرحان ومش عارف ينام عواطف: ايه رايك فى جميلة شريف: حلوه عواطف: اتكلم يعنى هى كده كده امها حاسة والبنت شكلها كمان حاسة شريف: اصبرى ياامى كلها تلات ايام افتح المكتب وساعتها هاقولك عواطف: ربنا يكتبلك الخير
وعدت تلات ايام وعزمنا شريف على افتتاح المكتب ورحنا انا وبابا وماما وفضل شريف طول الحفلة عينه عليه وانا كمان مستمتعة بده وحاسة احساس غريب مبسوطة وفرحنا وروحنا البيت وفضلت مساهمة ماما لاحظت بس مردتش تتكلم وعدى كمان تلات ايام وجاءت يوم العزومة وصحيت من بدرى كلي نشاط وقررت اشارك ماما فى المطبخ كوثر: جميلة هانم اتكرمت ودخلت المطبخ جميلة: صعبتى عليا ياماما قلت اساعدك غلطانة كوثر: لا يا حبيبتى بركاتك ياشيخ شريف جميلة: بتقولى حاجة
كوثر: سلمتك يا حبيبتى وجهزت مع ماما العزومة وطلعت اوضتى فضلت ادور على هدوم واخيرا اخترت فستان اسود فى اصفر وطرحه نفس اللونين ونزلت كنت زى الأميرة بشهادة الكل واخيرا وصلوا واول واحدة كنت فى الاستقبال واتقبلت عنينا مع بعض حاسيت ساعتها بيقولى وحشتنى وانا كمان بقوله وحشتنى واتغدينا شريف: عمى ليكم عندى خبر حلو x الحلقة الثالثة وقف لما شريف كلم فريد وقالوا ليكم عندى خبر حلو فريد: خير يابنى شريف: انا كلمت ناس معارفى شغالين فى كلية التجارة وجبت نتيجة جميلة من الكنترول ونجحت بتقدير جيد جدا
جميلة: بفرحة متشكرة اوى بس حضرتك متأكد فريد: مبروك ياجميلة شريف: اولا مفيش حضرتك ثانيا انت مش واثقة فى نفسك كوثر : حض.نت جميلة مبروك يا حبيبتى ربنا ماضيعش تعبك والله دى كانت بتسهر وطول الليل تذاكر عواطف: مبروك ياجميلة تعالى فى حض.نى وانت ياشريف مش كنت تقول كنت جبت لجميلة هدية شريف: ودى حاجة تفوتنى انا جبت وطلع من جيبه علبة قطيفة فيها سلسلة وفيها قلبين وقدمها جميلة: بكسوف متشكرة ورفضت تاخدها شريف: اقول حاجة ياعمى
فريد: خديها ياجميلة جميلة : متشكرة سمر: وانا ياسى شريف مشوفتش النتيجة شريف: لا ياحبيبتى أنا أقدر بس قالوا كمان يومين كوثر: يلا ياجماعة الغداء جاهز قعدوا يتغدوا وشريف كل شوية يبصلى وده خالنى مرتبكة ومكسوفة وخصوصا وهو قاعد على الكرسى الا فى وش كوثر: تعرفوا أن النهاردة اول مرة جميلة تتدخل المطبخ وتساعدنى ده هى كمان مقترحه عليا الاصناف شريف وهو بيبوص عليا : علشان كده الاكل طعم فعلا كل الأصناف ده انا بحبها
ساعتها كنت حاسة أن قلبى هيخرج من مكانه وكل بيبوص عليا وعلى شريف وبيضحكوا وبعد الغداء كوثر: جميلة ماتاخدى سمر وشريف وفرجهم على منظر البحر من اوضتىك وفعلا اخدتهم دخلنا واول ما دخلنا شريف: بصوت همس أوضة جميلة زى صحابتها سمر: اوضتك جميلة اوى ورقيقة جميلة: شكرا وخرجنا نعقد فى البلكونة وتكلمنا فى مواضيع كتير فى كل مرة احس ان شريف مركز معايا ولاحظت سمر كده وخرجت سمر بحجة تتكلم فى التليفون شريف: مالك ياجميلة حاسس ان فيكى حاجة انت لو مضايقك وجودى ممكن استاذن
جميلة بلهفة: لا طبعا أصل دى اول مرة اقعد مع حد غريب لوحدى شريف بحنية: طب هو انا غريب جميلة: لا مقصدش بس عمرى مع قعدتى مع اى شاب شريف: يعنى افهم من كده انك عمرك مع قعدتى مع شاب لوحدك حتى لو زميلك جميلة: لا والله عمرى ماصحبت شاب دى حتى فى الكلية كانوا مسمينى الشاويش علشان مكنتش بكلم حد شريف: بضحك خلاص ياستى هو فى شاويش حلو كده وبيتكسف وشه بيحمر وهنا دخلت سمر تنادى علينا علشان نعقد معاهم بره وخرجنا بس كل واحد فينا جوه مشاعر
شريف: ناوية على ايه ياجميلة فريد: والله انا كنت ناوي تشتغل معى انا وحسن بس مش عارف رأيها شريف: تسمحلى ياعمى جميلة تشتغل معايا وكمان سمر هتشتغل معانا ايه رايك فريد: والله لو جميلة تحب معنديش مانع كوثر: وماله ياحاج وشريف هاياخد باله منها فريد: رايك ايه ياجميلة جميلة: اللي تشوفوه يابابا فريد، انا شايف انك موافقة على خيرة الله تبتدى بعد حسن ما يرجع كمان اسبوع شريف: تمام ياعمى
وخلصت العزومة وانا فرحانة وكلمت ندى وهحتكلها كل حاجة وندى على كل حاجة واكدتلى أن شريف بيحبنى وعدى اسبوع مفيش احداث جديدة لحد ماحسن رجع وعمل عزومة وطبعا ماما عزمت اهل شريف ورحنا عند حسن ورحب وجوم اهل شريف والكل لاحظ اهتمام شريف بيه مريم: ايه النظام ياحلوة جميلة: نظام ايه مريم: نظام التسبيل بينك وبين شريف وبعدين ندى لمحت جميلة: مش عارفة لو بشوفه بحس فرحة وشوق مريم: ده اسمه الحب بس غريبة ليه مصرحش لحد دلوقتى مع أنه باين أنه مستريح مش عارفة
جميلة : مش عارفة عموما يوم السبت هابتدي الشغل معاه وعدى باقى اليوم ويوم كمان وجه يوم السبت وعدى عليا شريف ورحنا الشركة واتعرفت على عمر شريكه وطبعا شريف مهتم بيه اكتر من أخته وده خلى كل المكتب يلاحظ عمر: ايه الحكاية شريف :حكاية ايه عمر: انت وجميلة الكل ملاحظ اهتمامك بيها شريف: انابحبها وهاتجوزها عمر: طب مستنى ايه شريف: كنت بدور على شقة مناسبة واخيرا لقتها اخلص فيها وبعد كده اعرف رأيها عمر: عموما على بركة الله ياصحابى
وعدة تلات اسابيع على شغلى مع شريف وكل يوم بحس بحبه اكتر من اليوم إللي قبله لحد مافي يوم طلب أنه يوصلنا وقال إن هو مستأذن من بابا وفعلا موصلنى وفجأة واحنا ماشين وقف العربية ولف وبصلى وقالى تتجوزنى ياجميلة _______________________________________________________________________ الحلقة الرابعة شريف طلب منى أنه يوصلنى للبيت وان استأذن من بابا وهو وافق وركبت العربية وفجأة واحنا ماشيين وقف العربية ولف وبصلى وقالى تتجوزنى ياجميلة انا اتلخبطت ومقدرتش اتكلم وهو كرر طلبه تانى جميلة انا بحبك وعايز اتجوزك ردى عليا ولا اعتبر السكوت علامة الرضا ولا أفهم انك مش موافقة وعموما لو طلبى ضايقك انا اسف
وطلع بالعربية لحد ما وصلنا البيت وهو بيبص عليا ومستنى منى الرد لحد وصلت عند البيت فتحت باب العربية ومشيت لحد الباب البيت شوفت نظرة حب ليه وعينه بتقولى خليكى جمبى متسبنيش لقت نفسى من غير ماكس بخبطت على شباك العربية ويقوله هتكلم بابا امتى شريف من الصدمة والفرحة مش بيرد كجميلة: شكلك غيرت رأيك شريف بفرحة ونزل من العربية وبيبص فى عينى: انت قولت ايه جميلة،: أنا بقول هاتكلم بابا امتى وسيبته وطلعت أجرى
شريف: مجنونة بس بحبك وطلعت البيت وانا حاسة أنى طايرة فى السماء اخيرا هتجوز عن حب وهعيش معاه قصة الحب اللي بحلم بيها انا فرحانة اوى لازم اكلم ندى ومريم واحكليهم كل حاجة بس الباب خبط لقيت ماما داخلة كوثر: ايه يابنتى دخلتى من غير لا سلام وكلام فى ايه جميلة: مفيش ياماما وانا الفرحة هتنط من عينى كوثر: لا فيكى حاجة شكلك مش على بعضه وبعدين اتاخرتى ليه جميلة: ابدا يا ماما اصل استنيت شريف يوصلنى وهو استئذان بابا
كوثر: شريف بيوصلك بمناسبة ايه جميلة: كان عايزة يكلمنى فى موضوع وهو استأذن بابا وبعد شريف مش غريب كوثر: هى مش مسألة غريب بس الناس تقول ايه وبعدين موضوع الا كان عايزك فيه جميلة وانا حض.نه ماما : اصل بصراحة ياماما شريف طلب يتجوزنى كوثر: انت قولتليه ايه جميلة: قولتله يكلم بابا كوثر : بتحبيه بتحميلة جميلة وهى مكسوفة: مش عارفة بس وانا جمبه بحس انا فرحانه ومبسوطة وسعيدة هو ده يبقى حب كوثر: بصراحة شريف شاب كويس وعارفين أخلاقه وفوق كل ده هو بيحبك والوحيدة الاهيعرف يحافظ عليكى
جميلة: بجد يا ماما بس متتكلميش مع بابا لحد ماشريف يكلمه كوثر: حاضر يا حبيبتى قوم غير هدومك على ماحضر الغداء جميلة: ماشى ياست مع أنى حاسة أن شبعانة اوى كوثر: ربنا يسعدك أما عند شريف هو سائق فى وكان فرحان ومبسوط انه اخيرا لقى البنت اللى بحلم بيها وهاكمل معاه حياتى معاها فى نفسة انه لازم اكلم عمى فريد وحدد معاه ميعاد بسرعة واطلب منه الجواز خلال شهرين وصل شريف البيت وكان مبسوط وبيغنى
وحكى لمامته كل حاجة وفرحت اوى وباركتله عواطف : هى دى العروسة اللى كنت بتمناها ليك طول عمري شريف: فعلا يا ماما جميلة يتمناها اى شاب انا هكلم عمى فريد واحدد معاه معاد على بكره واتقدم رسمى عواطف : على خيرة الله يابنى ربنا يسعدك كلمت عواطف كوثر وباركوا لبعض واتمنوا ليهم السعادة وكلمت ندى وحكيت لها كل اللي حصل مع شريف ندى : مبروك يا حبيبتى انت بتحبيه جميلة: بحبه بس انا بعشقه ندى: كل ده انتو لسه ملحقتوش وتعرفوا على بعض
جميلة: عارفة الحب اللى من النظرة الأولى ومن اول مرة شوفته فى الفرح وانا حاسة أنه خطف قلبى لدرجة أن حاسة أنى عايشة حلم جميل ندى: ربنا يكملك على خير كلمتى مريم جميلة: مريم خلاص مش فاضية لينا من يوم ما اتجوزت وهى خلاص نسيتنا ندى: هههه بكره انتى كمان تنسينا مع سى شريف جميلة: بتنهيده شريف ده انا بنسى نفسى معاه ندى : ربنا يكملك على خير وقفلت مع ندى وقومت اتوضى واصلى لربنا أنه يسهل الموضوع
رجع بابا البيت وقال لماما أن شريف طلبه وطلب منه أن يجيى يزورنا بكره هو ووالداته علشان موضوع مهم كوثر: بضحك مبروك باحاج فريد: مبروك على ايه كوثر: اصل شريف جاى بكره يطلب ايد جميلة فريد: وانت عرفتى منين كوثر: عواطف كلمتنى وقالتلى وكانت فرحانة اوى فريد: والله شريف شاب كويس وابن حلال ومحدش يرفضه المهم رأى جميلة كوثر: جميلة موافقة فريد: وانت عرفتى منين هى البنت كلمتك فى حاجة كوثر: لا بس انا ام حاسة انها معجبه بشريف
فريد: على العموم اللي فيه الخير يقدمه ربنا وبعد شوية لقيت تليفونى بيرن وشوفت اسم شريف وفرحت ورديت جميلة: السلام عليكم شريف: وعليكم السلام عاملة ايه جميلة: الحمد لله شريف: على فكرة أنا كلمت بابا وهتقدم بكره جميلة:_____ شريف: جميلة انت معايا جميلة: معاك شريف: طب مش بتردى ليه جملة: ارد اقول إيه شريف: قولى فرحانة زعلانة احساسك ايه انا عن نفسى حاسس ان اسعد يوم فى حياتى جميلة: قفلت السكة وانا حاسة أنى مش قادرة اتكلم
بعدها شريف فضل يرن وانا مش عارفة ارد وبعدها بعتلى رسالة ( شكلي ضايقتك بطلبى عموما انا اسف هكلم عمى واعتذر منه( لقيت نفسى بكلمه وبقوله مش انت قولت الصبح السكوت علامة الرضا فانا سكت افهم بقى شريف: عموما عايزة اسمعها منك جميلة: بكره هاقولها لما بابا يسألنى شريف: انت قبل ماتقفلى انت بكره الإجازة بحبك وهتوحشينى وقفل وانا قفلت معاه وخضنت التليفون ونمت وجاه الصبح وندى ومريم جاتلى تساعدنى واخترت فستان لونه روز فى ابيض وطرحة نفس اللونين وحطيت مكياج خفيف وماما اول ما دخلت حض.نتى خلاص كبرتى ياجميلة
ندى ومريم: فى نفس واحد جرا ايه ياطنط فى حد يعيط فى يوم زى ده كوثر: من فرحتى عقبالك ياندى وعقبال عوضك يامريم وجاه شريف مع والدته واخته وصاحبه وشريكه عمر وعماد ابن عمه فريد: نورت يابنى عاملين ايه شريف : الحمدلله عواطف: اومال فين عروستنا كوثر: سلمت عليهم بتجيب العصير وجاية ودخلت ومعايا صينية العصير عواطف: بسم الله ماشاء الله عروستنا ذي القمر شريف: بصراحة ياعمى من غير لف ودوران انا جاى اطلب ايد جميلة ايه رايك ياعمى
انافى لحظة دى كنت عاملة افرك فى ايدى جامد وكنت عايزة استئذان فريد: رايحة فين يابنتى استنى والله ياشريف انا عمرى ماهلاقى عريس زيك بس الرأى رأى جميلة ها جميلة: حطيت وشى فى الارض وقولت بصوت واطى موافقة وجريت على اوضتى
